Dorothy Margaret Paulin – Writing

Solway Tide

An unco sough i’ the gloamin’ 
An’ a flaff o’ risin’ win’,
A glisk o’ stoundin’ waters
By the weirdly licht o’ the mune, 
An’ the fell dark tide o’ Solway 
Comes breengin’, whummlin’ in. 

Whaur glistenin’ sands lay streikit 
Ablow the sunset sky
Noo a wan wide sea is reestin’
An’ the yammerin’ sea-birds cry, 
An’ a wheengin’ win’ rings eerily 
I’ the salmon nets oot-by. 

by Dorothy Margaret Paulin

from Country Gold and other poems (The Moray Press, 1936)

Scottish Poetry Library

For the Annan Haaf Netters